Apirilean eta maiatzean zehar, NUKFk eremuko zazpi bilera egin zituen erakundearen lerro estrategikoak egiteko abiatu zuen partaidetza prozesuaren barruan. Orain, bileretan parte hartu ez zuten NUKFko kide diren toki entitateetako hautetsi guztiei prozesuan on line parte-hartzeko aukera emango zaie. On line prozesuan parte hartu nahi dutenek beherago topatuko duten galdetegia bete eta Federaziora igorri behar dute fnmc@fnmc.es helbidera uztailaren 5a baino lehen. Galdetegiaren edukia eremuz eremu egindako bileretan erabilitakoaren antzekoa da.
GALDETEGIA
PLAN ESTRATEGIKOA EGITEKO PROZESUARI BURUZKO INFORMAZIO GEHIAGO:
Nafarroako Udal eta Kontzejuen Federazioa plan estrategikoa prestatzen ari da.
Plan horrekin asmoa da toki entitateek erabaki ahal izatea, besteak beste, Federazioak zer zerbitzu eman beharko lizkiekeen, nola, zer jarduera egin beharko lituzkeen, zer nolako antolakuntza eduki beharko lukeen haren xedea eraginkortasunez betetzeko eta abar.
Diagnostikoa egiteko lehenengo urratsen ondoren, orain, Federazioak lanaren muinari heldu dio eta partaidetza prozesu bat abiatu du eremuz eremuko bilerak eginez. Bilkura horietan, toki hautetsiek aurretik aipatu gaien inguruan hausnartu eta ekarpenak egin dituzte. Hautetsien ekarpenak oinarritzat harturik, azkenik, ondorioak bilduko dituen txostena osatu eta Federazioko organoei helaraziko zaie.
Federazioarentzat eta, beraz, Nafarroako toki entitateentzat garrantzitsua da prozesu parte-hartzaile hau ahalik eta aberasgarriena izatea. Horregatik, Federazioarekin kidetutako toki entitateetako udalbatzetako kide guztiei, eta bereziki entitateen buru direnei, prozesuan parte hartzeko deia egiten zaie.
Hona hemen eremuz eremu egin diren bilerak:
| DATA / ORDUTEGIA | HERRIA | TOKIA / HELBIDEA |
22/04/26 16:30etik 19:00etara | Burlata | Burlatako Kultur Etxea. Bentetako ingurabidea kalea, 1 |
22/04/27 16:30etik 19:00etara | Estella-Lizarra | Jurramendiko Mankomunitatea Bell-Viste kalea, 2 |
22/05/03 16:30etik 19:00etara | Irurtzun | Irurtzungo Kultur Etxea San Miguel plaza, 7 |
22/05/04 16:30etik 19:00etara | Erriberri | Erriberriko Kultur Etxea Rúa Mayor 37 |
22/05/11 16:30etik 19:00etara | Doneztebe // Bertizarana | Bertizko Jaurerria Natur Parkea Oieregi-Bertizarana |
22/05/17 16:30etik 19:00etara | Tutera | Erriberako Mankomunitatea Pº de los Grillos kalea, 17 |
22/05/24 16:30etik 19:00etara | Irunberri | Irunberriko Gizarte-etxea Klaustroaren kalea z.g. |
