Nafarroako Udal eta Kontzejuen Federazioa

Nafarroako Gobiernuak 708.000 euroko urte anitzeko gastu-konpromisoa baimendu du toki-erakundeentzako dirulaguntza deialdi baterako, toki esparruan gazteriako politika publikoak sustatzeko eta babesteko, 2025eko urriaren 1a eta 2026ko irailaren 30a bitartean.

Laguntza horien helburua da toki-erakundeek haien gazteriako plan propioak egitea, gazteek erabili ahalko dituzten instalazioak gaitzea, gazteentzako zerbitzu eta jarduerak garatzea prebentzioaren, informazioaren, prestakuntzaren eta mugikortasunaren alorretan bai eta biztanle-talde horrek dituen eskaerekin bat egiten duten beste arlo batzuetan ere.

Norgehiagokako araubidean emaniko laguntza deialdia izango da, gizartean Nafarroako gazteen parte-hartze aktiboa hobetzeko ekintzak sustatzera bideratua.

Nafarroako Gobernuak zati batean finantzatuko ditu gazteriako teknikariak kontratatzeko edo egonkortzeko gastuak baita gazteriako toki planak ere eta diagnostikoak edota gazteriako programak garatzea. Gazte-informaziorako zerbitzuak abiatzea ere finantzatuko du Exekutiboak, langileak kontratatzeko eta ekipamendua erosteko gastuen zati bat diruz lagunduta.