Nafarroako Udal eta Kontzejuen Federazioa

Nafarroako Gobernuak toki-erakundeetan kontu-hartzaile lanpostua aldi baterako betetzeko izangaien zerrenda bat osatzeko deialdia argitaratu du eta beste horrenbeste egin du idazkaritzako lanpostuetarako. Zerrenda hala eskatzen duten udaletan lanpostu horien premia asetzeko balioko du.

Lan-aukera bereziki interesgarria da udal esparruan lan-ibilbidea egin nahi dutenentzat A mailako lanpostu batean (unibertsitateko titulua), toki-erakundeen ohiko funtzionamendurako funtsezkoa den lanpostu batean alegia, horretan ezinbesteko laguntza tekniko kualifikatua ematen ahalko baitute administrazio-tramitazioa, segurtasun juridikoa eta zerbitzuen jarraikortasuna bermatzeko.

Izen-emateko epea martxoaren 24a bitarte zabalik dago eta kontu-hartzailetzako lanpostuetarako ezinbestekoa da lizentzia edo gradua edukitzea Ekonomian, Enpresen Administrazio eta Zuzendaritzan, Zuzenbidean, Aktuariotza eta Finantza Zientzietan edo Ekonomia eta Enpresa Zientzietan. Idazkaritza lanpostuetarako ordea, Zuzenbideko, Politika eta Administrazio Zientzietako, Soziologiako edo Zientzia Politiketako eta Soziologiako gradua edo lizentzia eduki behar da ezinbestean.

Deialdiaren xehetasun guztiak honako esteketan kontsulta daitezke:

Kontu-hartzailetzako lanpostuetarako:

https://www.navarra.es/eu/tramiteak/on/-/line/pruebas-selectivas-para-el-puesto-de-intervencion-de-las-entidades-locales-2026?back=true&pageBackId=5722676

Idazkaritzako lanpostuetarako:

https://www.navarra.es/eu/tramiteak/on/-/line/pruebas-selectivas-para-el-puesto-de-secretaria-de-las-entidades-locales-2026