Nafarroako Udal eta Kontzejuen Federazioa

Datozen egunetan tenperatura altuak aurreikusten direnez gero eta Nafarroako zenbait udalerritan jaiak eta bestelako jarduerak egingo direnez, Nafarroako Osasun Publikoaren eta Lan Osasunaren Institutuak (NOPLOIk) herritarren osasuna eta, bereziki, pertsona zaurgarrienenak babesteko gomendio sorta bat helarazi du beroaren ondorioak prebenitzeko.

Nafarroako Udal eta Kontzejuen Federazioaren izenean, gomendioak kontuan hartzeko deia egiten da udalerri bakoitzeko errealitatera egokituz.

ALTAS TEMPERATURAS-recomendaciones euskera

Herritarrentzako gomendio orokorrak

• Ahal dela ez egitea adinekoentzako edo 4 urtetik beherakoentzako jarduerak egunaren erdiko orduetan.
• Udalerriko toki ezberdinetan edateko ura eskuragarri dagoela bermatzea.
• Antolaturiko ekitaldietan parte hartzen duten pertsonei itzala edo freskatzeko eremuak ahalbidetzea.
• Herritarrei oinarrizko prebentzio neurrien berri eman:
• Ura maiz edatea.
• Alkoholaren eta kafeinaren gehiegizko kontsumoa saihestea.
• Eguzkitik babestea (txanoa, eguzkitako krema eta betaurrekoak eta abar erabiltzea).
• Maiz freskatzea eta itzala bilatzea.
• Inguruko pertsona zaurgarriak zaintzea (adinekoak, adin txikikoak…).
• Adi egotea zorabioak, kalanbreak edo goragalea bezalako sintomei.  Sintomak okerrera eginez gero, jarri harremanetan osasun zerbitzuekin.

Langileentzat

• Lanak planifikatzea eta egokitzea, bero handieneko orduetan eguzkiarekiko esposizio zuzena saihesteko.
• Leku freskoetan atsedenaldiak bermatzea.
• Beroa egiten duenerako laneko arropa arina eta egokia erabiltzea.

Udal erakundeentzako gomendioak

• Neurri horiek herritarrei eta udal-zerbitzuei aktiboki zabaltzea, ohiko kanalen bidez (bandoak, sare sozialak, kartelak, etab.).
• Leku fresko eta klimatizatuetarako sarbidea identifikatzea eta erraztea. Ahal den guztietan, igerilekuak, liburutegiak edo kultur etxeak irekitzeko ordutegiak zabaltzea gomendatzen da.
• Udal-programazioa berrikustea, batez ere ahalegin fisikoa, pilaketak edo eguzkitan egoteko gehieneko ordutegiak dituzten jarduerak.  Ordutegiak bertan behera uzteko, atzeratzeko edo egokitzeko aukera baloratzea gomendatzen da.
• Ekitaldietan parte hartzen duten pertsonei jarraitu beharreko prebentzio-neurrien berri ematea.
• Bakarrik bizi diren adinekoentzako arreta indartzea, batez ere oinarrizko gizarte-zerbitzuen edo baliabide komunitarioen bidez.

Esteka honetan, toki-erakundeentzako gida espezifikoa kontsulta daiteke.

TENPERATURA ALTUETARAKO TOKI ERAKUNDEEN GIDA 2025

Irudian, herri-bazkari bat herriko jaietan. Javier Camposen argazkia (Nafarroako turismoa)