Nafarroako Udal eta Kontzejuen Federazioak (NUKFk) eta Nafarroako Gobernuko Lehendakaritzaren, Gobernu Irekiaren eta Parlamentuarekiko Harremanetako zuzendaritza nagusiak jardunaldi batzuk antolatu dituzte toki esparruan boluntariotza sustatzeko eta Nafarroako zenbait eremutan egindako esperientzia arrakastatsuak ezagutzeko.
Saioak maiatzean eta ekainean izango dira Tafallan, Bertitzen, Tuteran eta Irunberrin eta udal, kontzeju eta mankomunitateetako ordezkariei zuzendurik daude baita ekimen boluntarioetan parte hartzen duten edo parte hartu nahiko luketen gizarte erakundeei eta herritarrei ere.
Jardunaldiak Nafarroako 2024-2027 aldiko III. Boluntariotza Planaren barruan daude eta Foru Gobernuak egiteko asmoa duen Boluntariotzari buruzko Foru Lege berriaren testuinguruan antolatu dira. Saioak, beraz, parte-hartze izaera ere izango dute.
Hala, jardunaldiek helburu bikoitza dute: Batetik, egungo Nafarroako Boluntariotzaren testuinguruari buruz hausnartzea eta esperientzia sozialen eta toki esparrukoen berri izatea. Eta bestetik, jardunaldietako parte-hartzaileen proposamenak eta ekarpenak biltzea Boluntariotzari buruzko Foru Legea egiteko prozesua aberasteko.
Jardunaldia_Boluntariotza toki-erakundeetan
Jardunaldien egitaraua
Jardunaldiari hasiera emateko, aurkezpen instituzionala egingo da eta, ondoren, Nafarroan boluntariotzari eta horren testuinguruari buruzko azterketa. Hitzordu berean, boluntariotzari buruzko esperientziak eta jardunbide egokiak partekatuko dituzte eta, amaitzeko, parte-hartze lantegi bat egingo dute egiten ari diren foru araudiari buruzko ekarpenak jasotzeko.
Datak eta lekuak:
Izen-ematea doakoa da eta honako estekaren bidez egin behar da:
Boluntariotza funtsezko elementua da gure komunitateak sostengatzeko, eta zeregin bereziki garrantzitsua du udalerri txikietan, bertan maiz boluntariotzak toki administrazioa eta ekimen pribatua iristen ez den guneak betetzen baititu. Horregatik, ezinbestekoa da jarduera horiek sustatzen, jardunbide egokiak ezagutzen eta eragile sozialen arteko lankidetza sustatzen jarraitzea.
NUKFk eta Nafarroako Gobernuak toki-erakunde guztiei, erakunde sozialei eta boluntarioei edo boluntariotzan interesa dutenei jardunaldietan parte hartzeko deia egiten diete eta haien ideiekin eta esperientziekin laguntzera.
Eskaintzen diren ikastaroetan honako hauek jorratuko dira: poliziaren esku-hartzea nerabeekin, udal kudeaketa, teknologia berriak, berdintasuna eta herritarrekiko arreta
Programak, aurten, 157 erakunde atxiki ditu, 118 prestakuntza ekintza eskaini ditu jada, eta arreta berezia jarri du teknologia berrietan, araudian, tokiko kudeaketan eta udal eta mankomunitateen berariazko eskaeretan
Kultura Zuzendaritza Nagusiko (Vianako Printzea Erakundea) arkitektura eta arkeologiako hainbat adituk jardunbide egokiak partekatu dituzte Nafarroako ondarearen kudeaketan, tokiko erakundeetan sortzen diren gaiei erantzuteko
