Nafarroako Gobernuak bere informazio geografikoko zerbitzua modernizatu du: IDENA bisoreak aurreko SITNA ordezkatuko du
Plataformaren funtzionalitate nabarmenen artean, katastro-kontsultak egiteko aukera dute toki-erakundeek
Ia 25 urte abian egon ondoren, Nafarroako Gobernuak bi hamarkada luzetan informazio geografikoa kontsultatzeko erreferente izandako lehengo SITNA web bisorea kendu du. Martxoaren 11tik aurrera, bisorearen funtzionalitate guztia eta tresna aurreratu berriak eskuragarri egongo dira IDENA Nafarroako Datu Espazialen Azpiegitura modernizatuaren bidez: https://idena.navarra.es/navegar/. Orain arte, biak erabil zitezkeen.
IDENA bisorea web teknologia berrienarekin garatu dute eta informazio geografikoa kontsultatzeari eta kudeatzeari dagokionez jauzi koalitatibo nabarmena da. Edozein gailutatik kontsulta daitekeen plataforma horrek esperientzia intuitiboagoa eta efizienteagoa eskaintzen dio erabiltzaileari. Horretaz gain, SITNA Nafarroako lurraldeko informazio sistemaren informazio publikoko geruza guztien inguruan informazio geografikoa bilatzeko, nabigatzeko, mapak gehitzeko, datuak partekatzeko eta deskargatzeko aukera ematen dio. Orain arte biak zeuden erabilgarri.
IDENA bisoreak lehengo SITNAren funtzionalitate guztiak mantentzeaz gain, tresna berriak ditu erabiltzailearen esperientzia hobetzeko eta datu geografikoen kontsulta eta analisi aukerak zabaltzeko. Adibidez, beste lurralde batzuetako mapak gehitu daitezke, edo tokiko informazio zehatzagoa duten mapak partekatu. Bisorearen erabilera errazte aldera, Nafarroako Gobernuak gidaliburu bat jarri du erabiltzailearen eskura bisorean bertan, esteka honetan ikus daitekeen moduan.
IDENA bisorearen funtzionalitate nabarmenen artean dago katastro-kontsultak egiteko aukera; toki-erakundeen jarduketarik ohikoenetakoa. Nafarroako Gobernuak katastro-lurzatiak bilatzeko gida berezi bat egin du, hemen ikusgai dagoena.
Zerbitzu hori erabiltzen duten toki-erakundeei gonbita egiten zaie IDENA bisorearen funtzionalitate berriak arakatu eta erabilgarri dauden baliabideak kontsulta ditzaten bisorea erabiltzen ohitzeko.
Informazio gehiago nahi izanez gero edo bestelako kontsultetarako erabiltzaileak IDENA bisorean sar daitezke edo SITNAren laguntza taldearekin harremanetan jarri.