Nafarroako Garapen Lankidetzarako Toki Funtsak 9 proiektu finantzatuko ditu Afrikan eta Amerikan eta GGKEen Koordinakundearekin duen elkarlanari eutsi egingo dio
Urriaren 31n Batzorde Betearazleak egindako bilkuran, 2023ko Nafarroako Lankidetzarako Toki Funtsaren kargura finantzatuko diren proiektuak onetsi zituen. Oraingoz, bederatzi izango dira baina Funtsak ekarpen gehiago jasoz gero, proiektu gehiago finantzatu ahalko dira; deialdian ezarritako irizpideei jarraiki, lortutako puntuazioaren arabera zerrendan dauden hurrengoak alegia.
Saioan, halaber, Egues, Burlata eta Barañaingo udalek eta Iruñerriko Mankomunitateak Funsarekin batera finantzatzen duten Hiru Urteko Proiektuaren bigarren urteko jardueren berri ere eman zuten.
Azkenik, Federazioak Nafarroako GGKEen Koordinakundearekin urtero izenpetzen duen hitzarmenaren berri eman zuten.
Honako hauek dira Funtsaren urteko deialdiaren barruan hasiera batean hautaturiko proiektuak:
URTEKO DEIALDIAN HAUTATUTAKO PROIEKTUAK:
| GKEa | Proiektuaren izena | Herrialdea | 2023 |
| Alboan | Edateko uraren eta saneamenduaren hornidura Mayo-Lemié departamentuko zortzi landa komunitaterentzat | Txad | 24.000,00 |
| ARCORES Navarra | Kaindema landa eskolako haurrentzako haur hezkuntza hobetzea | Sierra Leona | 24.000,00 |
| UNHCR Nafarroa | Kalitatezko edateko ura ematea Txadeko ekialdean errefuxiatu diren sudandarrentzat | Txad | 24.000,00 |
| UNICEF – Nafarroako Batzordea | Ura eta saneamendua edukitzeko eskubidearen gauzapenean laguntzea genero ikuspegiarekin; Burkina Fasoko erdialde-mendebaldeko eskualdea | Burkina Faso | 24.000,00 |
| Organización Navarra Ayuda entre los Pueblos (ONAY) | Kinshasako inguruko hiru oinarrizko osasun zentroetan jaio aurreko arreta hobetzea | Kongoko Errepublika Demokratikoa | 24.000,00 |
| Fundación Rode | Herritarrak eta Grand Bereby emakume arrantzaleen kooperatiba edateko urez hornitzeko sistema | Boli Kosta | 24.000,00 |
| Asociación de Voluntarios Children of Africa | Nuru School, hobekuntzak Kenyako landa-eskoletan hezkuntzarako oinarrizko eskubidea hobeto eskaini ahal izateko | Kenya | 20.916,84 |
| Medicus Mundi Nafarroa-Aragoi-Madril | Higienea, saneamendua eta uraren eskuragarritasuna indartzea Gakenke barrutiko 3 sektoretan | Ruanda | 24.000,00 |
HITZARMENA NAFARROAKO SAHARAR ORDEZKARITZAREKIN:
| GKEa | Proiektuaren izena | Herrialdea | 2022 |
| Asociación de Trabajadores y Técnicos sin Fronteras (ATTSF) | Ura, elikagaiak eta saneamendua eskuratzeko logistika saharar errefuxiatuentzat | Aljeria | 24.000,00 |