Nafarroako Administrazio Auzitegiak (TAN) bere 60. urteurrena ospatu du, Estatuan erakunde berezi eta bakar gisa finkatua, toki eremuko administrazio gatazkak konpontzeko erreferentzia gisa eta Nafarroako foru tradizioan sakonki errotua. Efemeride hori dela eta, Nafarroako Museoak “Nafarroako Administrazio Auzitegia. 60 urteko justizia eta hurbiltasuna” ekitaldi instituzional eta dibulgatzailea antolatu du. Horren bidez, organo horrek egindako lana aitortu nahi izan da, eta haren funtzionamendua herritarrei hurbildu.
Mahai-inguru bat egin zen, eta bertan parte hartu zuten zuzenbide publikoko adituek eta erakundeetako ordezkariek, besteak beste, Nafarroako Udal eta Kontzejuen Federazioko (NUKF) idazkari nagusiak, Berta Enriquek. Bere hitzaldian, Enriquek azpimarratu zuen TANek errekonozimendua duela toki-erakundeen artean, eta “segurtasun juridikoa eta ebazpenak administrazioarekiko auzien bidea baino askoz epe laburragoetan” eskaintzen dizkiela.
“TAN izateak erraztu egiten du justizia administratiborako sarbidea abokatuaren eta prokuradorearen beharrik gabe, eta horrek onura dakarkie herritarrei ez ezik, udalei beraiei ere, denbora gutxian jakin baitezakete beren egintzak legearekin bat datozen ala ez”, azaldu zuen Enriquek. Gainera, tokiko zuzenbidean duen espezializazioa nabarmendu zuen bere balio handienetako bat bezala: “Organo espezializatua da, eta horrek aukera ematen du bertako kideek administrazioaren ezagutza sakona izan dezaten eta, batez ere, tokiko zuzenbidearen arloan ezagutza eta espezializazio handiagoa izan dezaten”.
NUKFko idazkari nagusiaren ustez, TANek administrazio-ekintzen legezkotasuna indartzeaz gain, kontsultarako eta erreferentziarako ohiko tresna bihurtu da udal-teknikarientzat. Datuek hala adierazten dute: 2023an 3.204 ebazpen eman zituen, eta horietatik % 3,3 baino ez zituzten errekurritu toki-erakundeek. “Organo erabilgarria eta ondo baloratua da, bizitza demokratikoa indartzen eta eskubideak bermatzen laguntzen du”, ondorioztatu zuen Enriquek, eta bera osatzen duten pertsonen hurbiltasuna adierazi zuen bere nortasun-ezaugarrietako bat bezala.
Jardunaldiak, gainera, Lehendakaritza eta Berdintasun Sailak argitaratutako dibulgaziozko komiki bat aurkezteko balio izan zuen. Komikiak hizkera eskuragarria eta umoretsua du, eta epaimahaiaren jatorria, egitura eta funtzionamendua azaltzen ditu, bai eta gora jotzeko errekurtsoa ere, legezkotasuna kontrolatzeko funtsezko mekanismo gisa.
Irudian, Javier Eneriz, Joseba Asiain, María Jesús Moreno, Joseba Beramendi, lehendakariorde Félix Taberna, NUKFko idazkari nagusi Berta Enríque eta Miguel Izu, Nafarroako Museoan TANri buruz egindako jardunaldiaren harira aurkeztutako komikiarekin batera.
Toki Araubideko Foru Batzordeak 2026-2028 aldirako toki inbertsioen programetarako zenbatekoen banaketa-proposamenari ere oniritzia eman dio
Xabier Alcuaz Udal eta Kontzejuen Federazioko lehendakariak nabarmendu du arlo horretan lehentasunak eta baliabideak ezartzea ahalbidetuko duen tresna dela
Chivite eta Alcuaz bat datoz: erronka demografikoari aurre egiteko lankidetza eta arazoaren zeharkako ikuspegia behar da
