CNAI enpresa publikoak gaitasun digitaletan trebatzeko ikastaroak antolatzeko aukera eskaintzen die Nafarroako toki-erakundeei udalerrietan bertan. Prestakuntza programak Nafarroako Gobernuaren babesa du eta Lurralde Kohesiorako Departamentuak koordinatzen du.
Europar Batasunak Next Generation-EU funtsen bidez finantzaturiko ekimena da. Udalerri txikiei zuzendurik dago, Iruñeko eta Tuterako hiri-inguru funtzionalaren barruan daudenak kanpo utzita, eta Suspertze, Eraldatze eta Erresilientzia Planaren barruan kokatzen da. Horri esker, doakoa da bai toki-erakundeentzat bai parte-hartzaileentzat ere.
Programa bereziki diseinaturik dago lehentasunezko kolektiboetan arrakala digitala murrizteko, hala nola 64 urtetik gorakoetan, emakumeetan eta 18 urtetik beherakoetan. Edukiei dagokienez, egun, adinekoei eta emakumeei zuzenduriko formakuntza edukiak prest dituzte eta 18 urtetik beherakoentzako materiala prestatzen ari dira laster eskuragarri egoteko.
Proposamenak bi ikastaro mota eskaintzen ditu. Batetik, 10 orduko prestakuntza ekintzak, interesdunen beharretara egokitzeko malgutasunarekin. Eta bestetik, 8 orduko moduluetan antolaturiko prestakuntza pilulak, gai zehatz bati buruzkoak; adibidez, zibersegurtasuna edo izapideak administrazioarekin jorratzekoak.
CNAI enpresa izango da ikastaroak emango dituena eta hark kudeatuko ditu izen-emateak, espazioen erreserba eta, beharrezkoa balitz, informatika ekipoen alokairua. Programa 2026ko ekainaren 30a bitartean egongo da abian eta antolatu daitekeen ikastaro kopurua mugagabea da.
Nafarroako Udal eta Kontzejuen Federazioak, Nafarroako Gobernuarekin eta UNICEF Nafarroako Batzordearekin batera, zenbait lan-saio egin ditu udal eta mankomunitateetako hautetsi eta teknikarientzat
Ekimena boluntariotzari buruzko plan berriaren barruan dago eta foru komunitateko zenbait udalerritan egingo da esperientzia arrakastatsuak ezagutzeko helburuz
Udal eta mankomunitateetako hautetsiei eta teknikariei zuzendurik daude, maiatzean izango dira eta toki esparruan haurrentzako gune seguruak sustatu asmo dute
