Nafarroako Udal eta Kontzejuen Federazioa

NUKFren Batzorde Betearazleak oniritzia eman dio egoera zaurgarrian dauden pertsonak Nafarroan erroldatzeko irizpideak bateratzen dituen dokumentu bati. Benetan bizi diren udalerrian bizilekua egiaztatzeko zailtasunak dituzten pertsonak eta etxerik ez dutenak erroldatzeko irizpideak ematen dira bertan.

2025eko irailaren 9ko Batzorde Betearazlean eguneratutako dokumentua esteka honetan kontsulta daiteke:

Erroldatzeak egiteko irizpideak

Dokumentua egiteko lanak NUKFk eta Iruñeko Udalak sorturiko lantalde batean egin dira, beste udal batzuekin lankidetzan. Era berean, beste erakunde batzuek, zehazki, Nafarroako Arartekoak eta Etxebizitzako, Gazteriako eta Migrazio Politiketako Kontseilaritzak aipatu erroldatze-egoera horiei heltzea komenigarria litzatekeela adierazteko egindako gomendioetan eta eskaeretan du jatorria testuak.

Dokumentuak honako kasuetan erroldatzea egiteko irizpideak jasotzen ditu:

• Erroldatzeko zailtasunak dituzten pertsonak, benetan bizi diren udalerrian bizilekua dutela ezin dutelako egiaztatu. Kasu horietan, udala da benetako bizileku hori egiaztatzeko eta erroldatzea egin ahal izateko beharrezkotzat jotzen dituen jarduketak egiteko eskumena duena.
• Etxerik ez duten pertsonak edo udalerri batean bizi direnak baina etxebizitza batean bizilekua dutenik egiaztatu ezin dutenak. Kasu horietan helbide soziala edo itxurazkoa ahalbidetuko da.

Irizpide horiek orientagarriak dira soilik, eta udalerrietako erroldatze-prozedurak bateratzea asmo dute. Udal bakoitzak erabakiko du irizpide horiek erabiltzen dituen eta bizilekua egiaztatzeko jarduketak egingo dituzten tokian tokiko unitateak, organismoak eta abar zehaztuko ditu.

Horretarako, egokitzat jotzen diren barne jarraibideak edo zirkularrak onetsi beharko dira.