Tracasa Instrumentalek doitasunezko kartografia berria aurkeztuko du
2025eko urriak 15
Tracasa Instrumentalek, Nafarroako Gobernuarekin lankidetzan, jardunaldi bat antolatu du Nafarroako udalerriei Hiri Base Topografikoa (MTNa05) aurkezteko. Hala deitu diote Nafarroa osorako datu-eredu komun bati jarraituz 1:500 eskalan egin duten doitasunezko kartografia berriari.
Nafarroako Gobernuaren enpresa publikoak udalentzat diseinatu duen balio-proposamena zehaztuko du, kartografiaren hasierako ezarpena, mantentze-lanak, datuak atari publikoetan argitaratzea eta tresna espezifikoen diseinua barne. Azken batean, erreferentzia kartografiko zehatza, eguneratua eta kalitate handikoa behar duten Nafarroako udalerrientzako Hiri Mapa Topografikoa izango da, eta, aldi berean, kudeaketarako laguntza-tresna indartsua.
