Toki entitateei zuzenduriko dirulaguntzak 2024. urtean gazteriaren arloko politika publikoak bultzatu eta babesteko
2023ko azaroak 30
Deialdi horretako dirulaguntzen helburua da Nafarroako toki entitateei laguntza ematea, honako ekintza hauen ondoriozko gastuak partzialki finantzatuz:
a) Tokiko gazteria plana, aurretiazko diagnostikoa edo 2025. urteko programazioa prestatzea, gazteekin foroak eta elkarrizketak proposatu eta gauzatzea, eta herriko gazteriarekin lotura duten gaien inguruko azterlan sektorialak egitea (aisialdiko lokalak, ohitura osasungarriak, kontsumoak, kirol praktika, partaidetza eta abar).
b) Gazteriaren arloko teknikari berriak kontratatzeko eta/edo aurretik zeudenak mantentzeko laguntza ematea.
c) Nafarroako gazteek, hamalau urtetik hogeita hamar urtera bitartekoek, biak barne, bizitza sozialean duten parte-hartze aktiboa hobetzeko helburua duten gazteentzako jardueren programak/proiektuak gauzatzea 5.000 biztanletik beherako edo 5.000 biztanle edo gehiagoko toki entitateetan.
Informazio gehiago eskuratzeko honakoa kontsulta daiteke: 120E/2023 Ebazpena, azaroaren 8koa, zeinaren bidez dirulaguntzen deialdia onesten baita Nafarroako toki erakundeek gazteriaren arloko tokiko politika publikoak bultzatu eta babes ditzaten 2023-2024 epealdian.
Laguntzak zerbitzuen katalogoaren bidez eska daitezke deialdia Nafarroako Aldizkari Ofizialean argitaratu eta hilabete bateko epean.