Europako Mugikortasunaren Astea
2025eko irailak 16 - 2025eko irailak 22
Dagoeneko zabalik da udalek Europako Mugikortasunaren Astean erregistratzeko epea. Izena emateko honako esteka erabili behar da: https://mobilityweek.eu/home/
Aurtengo gaia “Mugikortasuna guztiontzat” izango da. Europako Batzordeak gai horrekin lortu nahi duena da diru-sarrerak, kokapena, generoa eta gaitasunak edozein direla ere, herritar guztiek garraio erabilgarria, irisgarria, eskuragarria, segurua eta jasangarria edukitzeak duen garrantzia erdigunean jartzea.
Honako estekan kanpainaren inguruko informazioa eta gainontzeko informazioa dago ikusgai:
https://mobilityweek.eu/campaign-resources/
Parte hartzeko, udalek honako baldintzetako bat bete beharko dute, gutxienez:
- Astean zehar (irailaren 16tik 22ra) jarduerak antolatzea.
- Aurten, gutxienez neurri iraunkor bat ezarri izana.
- Autorik Gabeko Eguna ospatzea, ahal dela irailaren 22an.