EUROPAKO SUSPERTZE-FUNTSAK

Web-atal honetan Europako Next Generation Supertze-planari buruzko agiri nagusiak biltzen dira Nafarroako toki entitateentzako interesgarriak izan daitezkeelakoan. Atalean, honakoak aurkitu ahalko dituzu: argitaratuz doan araudia, toki entitateek plan horretan parte hartzeko proposamenak biltzen dituen agiria eta aipatu planari buruz Europar Batasunak, Espainiako Gobernuak eta Nafarroako Gobernuak argitaratutako beste hainbat informazio.

Deialdi edo dokumentu interesgarri berriak argitaratuz doazen heinean, informazioa eguneratuz joanen gara.

 

Next Funtsen deialdien buletina 24.10.11

 

⇒Suspertze, Eraldaketa eta Erresilientziarako Planaren inbertsioak gauzatzeari buruzko informazio eguneratua, 2024ko apirila

Gobernuak ELISA izeneko tresna bat abiatu eta Suspertze, Eraldaketa eta Erresilientziarako Planaren inbertsioak gauzatzeari buruzko informazio eguneratua eduki nahi duten interesdunen eskura jarri du.

ELISAri esker, ondoren zehazten diren funtsekin zerikusia duten esleipen eta dirulaguntzen deialdien eta ebazpenen jarraipena egin daiteke:

  • Estatuko Administrazio Orokorrak zuzenean kudeatzen dituen funtsak.
  • Konferentzia Sektorialen bidez Autonomia Erkidegoei emaniko funtsak.
  • Toki udalbatzek gauzatutako funtsak.

Tresna horrek finantzaketa jaso duten enpresa eta bizitoki kopuruaren berri ematen du bai eta enpresa onuradunen tamainaren berri eta Suspertze Planean definitutako jarduketa palanka ezberdinetan egindako inbertsioen berri ere. Horretaz gain, Autonomia Erkidego bakoitzean kudeaturiko eta gauzaturiko funtsei eta finantzaketa jaso duten enpresa kopuruari buruzko zehaztasunak ematen ditu baita proiektuen banaketa sektorialaren berri ere.

ELISA tresna hilabetean behin eguneratuko da eta funtzionalitate berriak gehituz joango da Planaren inbertsioen inpaktuaren inguruko azterketa kualitatiboa ahalbidetzeko.

Tresna kaleratzearekin batera datuei buruzko ohar metodologiko bat argitaratu dute azterketa errazteko.

Tresna horrek, Suspertze Planaren web-orriaren bidez du sarbidea eta Estatuko Administrazio Orokorrak garatutako gainontzeko aplikazioen osagarri da Planaren inbertsioen jarraipena egin ahal izateko, ezarritako helburuak erdiesterakoan inbertsio horiek zenbateraino lagundu duten ebaluatzeko eta Espainiako ekonomia eraldatzeko eta hazteko izandako inpaktua ere ebaluatzeko, gardentasuneko elementu gehigarria izanik aldi berean. Ekimen horrekin batera gainera, lurraldeko fitxak daude Suspertze Planak Autonomia Erkidegoetan izandako inpaktuaren zehaztasun kualitatiboa islatzen dutenak.

FEMParen web-orriaren barruan, toki entitateei zuzenduriko Europako Funtsen orrian ikusgai daude hainbat organok (Europar Batasunak, Ministerioek, Institutuek, Diputazioek, Autonomia Erkidegoek eta abarrek) deituriko NEXT GENERATION EU eta Urte Anitzeko Finantza-esparruaren Funtsekin finantzaturiko deialdi guztiak, toki entitateei zuzendurikoak betiere. Horretaz gain, orri berean informazio lagungarri gisa, araudiarekin loturiko dokumentu garrantzitsuenak aurki daitezke bai eta maiz egindako galderen bilduma ere.

⇒TRAGSATEC entitateak doako laguntza teknikoa emango die Next Generation Funtsen onuradun diren toki entitateei

Informazio gehiago

 

⇒NUKFk laguntza teknikoaren zerbitzua kontratatu du Europako Berreskuratze Planaren dirulaguntzak eta finantza-esparrua toki entitateei hurbiltzeko

 

WEBGUNEAK ETA SARE SOZIALAK

– Suspertze Plana. Espainiako Gobernua. Deialdiak eta informazioa

– FEMParen web-orria

 

 

KOMUNIKAZIOA

Suspertze, Eraldatze eta Erresilientzia Planaren babespean finantzatutako laguntzen komunikazioa:

Maiz egindako galderak – Nahitaez betebeharreko komunikazio ekintzak

Planaren kudeatzaileentzako komunikazio-gida

 

JARDUERAK, WEB-MINTEGIAK, JARDUNALDIAK
TOKI ENTITATEENTZAKO DIRULAGUNTZAK
ADIERAZPEN INTERESGARRIAK (MDI)
ARAU ESPARRUA
PROPOSAMENAK
AGIRIAK ETA ESTEKAK
Volver arriba