Nafarroako Toki Administrazioa berrantolatzeko Foru Legearen aurreproiektua aurkeztu du Gobernuak
Nafarroako Gobernuak Nafarroako Toki Administrazioa berrantolatzeko prozesua hasi eta bi urtera, joan den abenduaren 19an jarri zen jendaurrean araudian bidezko aldaketak egiten dituen foru legearen aurreproiektua. Gobernuak urtarrilaren 9ra arte ireki du alegazioak egiteko epea. NUKFk, dena dela, orain ekinen dio bere prozesuaren hirugarren faseari, zeinak, ziur aski, egun horretatik aurrera ere jarraituko baitu. Fasearen bukaeran, Batzar Nagusi Berezi bat eginen da, toki entitateen iritzia finkatzeko.
Hurrengo egunetan erabakiko da NUKFk prozesu horretan erabiliko dituen prozedura eta metodologia.